قلم سے پھول کھلیں، نطقِ دُرفشاں ٹھہرے

[intelligent086]

قلم سے پھول کھلیں، نطقِ دُرفشاں ٹھہرے
وہاں چلا ہوں جہاں گردشِ زماں ٹھہرے
وہ آستاں کہ ارادت سے مہر و ماہ جھکیں
وہ خاکِ پا کہ ہر اک ذرہ کہکشاں ٹھہرے
ہوائے کوچئہ Ù…Ø+بوب، شکریہ تیرا
ترے کرم سے بیاباں بھی گلستاں ٹھہرے
یہ فکر دائرے بنتی رہی خیالوں میں
کوئی تو بات بہ عنوانِ ارمغاں ٹھہرے
تمام عمر مدینہ میں سونے والے کو
کہاں کہاں سے پکارا کہاں کہاں ٹھہرے
کبھی نظیریؔ وفیضیؔ کی خوشہ چینی کی
کبھی نظامیؔ و خسروؔ کے ہم زباں ٹھہرے
کبھی عراقیؔ و عطارؔ سے نوا مانگی
کبھی ظہوریؔ و قدسیؔ کے رازداں ٹھہرے
نظر جمی کبھی Ø+سان Ú©Û’ قصیدوں پر
کبھی قبیلئہ عشاق کا نشاں ٹھہرے
نوائے مہرِ علی شہ کو دوش پر رکھ کر
دیارِ گنج شکر میں بھی میہماں ٹھہرے
جنوں کا درس لیا بو علی قلندر سے
غزل سرائی میں Ø+افظ Ú©Û’ ترجماں ٹھہرے
دیارِ شعر میں سعدیؔ کی ہمنوائی کی
نہ ماوریٰ کہیں پہنچے نہ درمیاں ٹھہرے
ادب میں مرشد رومی سے اکتساب کیا
وہ اس گروہ میں سرخیل عاشقاں ٹھہرے
غرض کہ اس درِ مشکل کشا تک آ پہنچے
وہ ایک در کہ جہاں دورِ آسماں ٹھہرے
یہ بارگاہِ رسالت یہ ارمغان فقیر
بڑا کرم ہو جو مقبول و کامراں ٹھہرے
سلام ان پہ کہ جن سے ہے نظمِ کون و مکاں
سلام ان پہ کہ جو شاہِ دو جہاں ٹھہرے
سلام ان پہ کہ جن کا نہیں مثل کوئی
سلام ان پہ کہ جو ہادی زماں ٹھہرے
سلام ان پہ جو ہم بے کسوں کی منزل ہیں
سلام ان پہ کہ جو میرِ کارواں ٹھہرے
غرض کہ ان پہ درود و سلام کی بارش
جو ہر زمیں کے لیے ابرِ دُر فشاں ٹھہرے

شورشؔ کاشمیری، آغا عبدالکریم

[intelligent086]

@Mariaa @maya

[Mariaa]

@Mariaa @maya

@intelligent086
Subhan Allah
Bohat umdah
Jazak Allah